Шымкент маңында шағын автобус түгі қалмай жанып кетті, деп хабарлайды қалалық төтенше жағдай департаментінің баспасөз қызметі

Оқыс оқиға 6 маусымда сағат 14:39-да Шымкент қаласы Абай ауданының Алтын төбе тұрғын үй алабында болған.

«Шымкент-Арыс бағыты бойынша келе жатқан Mercedes-Benz Sprinter шағын автобусы толық жанып кетті. Салдарынан 1974 жылы туған жүргізуші мен бір жолаушы зардап шекті. 48 жастағы жүргізуші 25% дене күйігін алған. Олар Шымкенттегі гипербарикалық оксигенация орталығына жатқызылды. Зардап шеккендердің жағдайы орташа», - деп жазылған хабарламада.

Өртті сөндіруге 10 маман мен 2 техника жұмылдырылды. Қазір мамандар автобустың неге өртенгенін анықтап жатыр.