×

Алматы маңында алабайлар жеті жастағы қызды талап тастады

Қазір ол жарақат алып, ауруханада емделіп жатыр

 Дастан Жұмабекұлы 08.06.2022 | 14:37
фото: ашық дереккөз

Алматы маңында екі алабайдың шабуылынан кейін жеті жастағы қыз ауруханаға түсті.

Бұл туралы Ішкі істер министрлігінің порталы хабарлады.

Оқиға 5 маусым күні Тұздыбастау ауылында болды. Алабай тұқымды екі ит 7 жастағы қыз баланы қауып алған. Бетінен және денесінен жарақат алған қыз ауруханада жатыр, - делінген хабарламада.

Осыған байланысты Қазақстан Республикасы Қылмыстық кодексінің 114-бабының 3-бөлігі (денсаулыққа абайсызда зиян келтіру) бойынша сотқа дейінгі тергеу басталды.

Иттердің иесі 57 жастағы жергілікті тұрғын екені анықталды. Оның айтуынша, иттері арнайы қоршауда қамауда тұрады. Бірақ, оқиға болатын күні аулаға тамақтандыру үшін босатылған. Сол сәтте екі ит ауланың сыртына шығып кетіп, баланы талап тастаған. Иттердің иесі қыздың еміне қажетті көмек көрсетуге дайын екенін айтқан, - делінген хабарламада.

Талғар аудандық полициясының хабарлауынша, аталған факті бойынша барлық қажетті тергеу шаралары жүргізілуде. Соның ішінде сараптама тағайындалды. Ол бала ауруханадан шыққаннан кейін жүргізіледі. Іс бойынша түпкілікті процессуалдық шешім сараптама нәтижелері бойынша қабылданатын болады. Сондай-ақ, иттерді аулада ұстау мәселесі қаралады.

Серіктес жаңалықтары

Сараптама

Алматылық әйелдің шотынан 5 мың доллар шешіп алған екі жігіт видеоға түсіп қалған

Банк қызметкерлері әйелге хабарласып, шотынан 5 мың доллардан астам қаражат шешілгенін айтқан
25.09.2022 | 06:30

Синоптиктер келесі аптада елордада қар түсетінін хабарлады

29 және 30 қыркүйекте күндіз 8 градусқа дейін жылынады, түнде алғашқы аяз түседі
25.09.2022 | 00:33

Мобилизациядан жалтарған ресейліктер Қазақстанның қай өңірлеріне жаппай келіп жатқаны белгілі болды

Ең көп жиналу Ақтөбе, Атырау, Батыс Қазақстан және Қостанай облыстарында байқалады
24.09.2022 | 23:45

Путин әскери қызметке қатысты Қылмыстық кодекске өзгертулер енгізді

Бұл қылмыс үшін 6 жылдан 15 жылға дейін бас бостандығынан айыру көзделген
24.09.2022 | 22:34