Солтүстік Қазақстан облысы Якорь ауылында ескірген су құбырларын ауыстыру жұмыстары басталды.

Қазақпарат агенттігінің хабарлауынша, Қызылжар ауданы Якорь селосының 2 мыңнан астам тұрғыны бар. Ауыл халқы шамамен 20 жылдан астам судан тапшылық көріп отыр. Мұнда ол белгілі бір уақытқа, яғни сағат 16.00-ден 23.00-ге дейін ғана беріледі.

Биыл ауылда су жүйесін ауыстыру жұмыстары басталды. Ауылда 12 шақырым су құбыры жүргізіледі. Оған республикалық, облыстық бюджеттен қаржы бөлінді. Жобаның құны - 463 млн теңге.

Мердігер компания жұмысты мамыр айында бастап, осы күнге дейін 5 шақырымын ауыстырды. Жоспар бойынша келесі жылы ауылдықтар таза сумен қамтамасыз етіледі.

Жұмыстың сапалы атқарылуы мен қаражаттың тиімді жұмсалуы қоғам белсенділерінің назарында болады.