Ақмола облысында қазақтарға тіл тигізген тұрғынға қатысты іс қозғалды, деп хабарлады Halyq Uni тілшісі.

Әлеуметтік желіде қазақ ұлтына қатысты жағымсыз сөздер айтып, балағаттаған ер амданың бейнежазбасы тараған болатын. Осыған қатысты облыстық полиция департаменті мас күйде ұлттық ар-намысты қорлаған Ақмола облысының тұрғыны ұсталғанын мәлімдеді.

Осы факті бойынша сотқа дейінгі тергеп-тексеру басталды. Сонымен қатар, балағат сөздер бойынша әкімшілік іс жүргізу қозғалды. Іс материалдары қарау және тиісті шараларды қабылдау үшін сотқа жолданды, – делінген полиция хабарламасында.

Еске сала кетсек, бұған дейін СҚО-да алауыздық тудырды деген күдікпен ұсталған ер адам полицейге шабуылдағанын хабарлаған болатынбыз.