Қызылорда облысында баланы тепкінің астына алған жасөспірім сотталды
Жәбірленуші мен оның заңды өкілі сотталушыға кешірім беретінін айқан
![](https://halyq-uni.kz/cache/imagine/1200/uploads/news/2024/07/15/66b0d560d97c4359524028.jpeg)
Қызылорда облысының кәмелетке толмағандардың істері жөніндегі мамандандырылған ауданаралық сотында кездейсоқ баланы тепкінің астына алған жасөспірімге қатысты қылмыстық іс қаралды, деп хабарлады Halyq Uni тілшісі.
Сотта анықталғандай, жасөспірім 2023 жылы 3 сәуірде кешкілік уақытта көшеде кәмелетке толмаған жәбірленушінің басқа балалармен төбелесіп жатқанын көріп, бұзақылық ниетпен оның басынан оң аяғымен 4-5 мәрте теуіп, ауыр дене жарақатын салған.
Сотталушы берген жауабында тағылған айыпты толық мойындап, жасаған әрекетіне шын ниетпен өкінетінін айтып, жеңіл жаза қолдануды сұраған.
Сот талқылауында жәбірленуші мен оның заңды өкілі сотталушыға кешірім беретінін айтып, бас бостандығынан айырумен байланысты емес жаза тағайындауды сұраған.
Сотталушы Ә. Қазақстан Республикасы ҚК-нің 106-бабының 2-бөлігінің 7),11)-тармақтарымен кінәлі деп танылып, 6 жыл мерзімге бас бостандығынан айыруға үкім етілді. ҚК-нің 63-бабын қолданып, сотталушы Ә.-ге тағайындалған жаза шартты деп саналып, оған 1 жыл мерзімге пробациялық бақылау белгіленіп, бірқатар міндеттер жүктелді, – делінген сот хабарламасында.