Жетісу облысында үш адам құтқарылды
Оқиға демалыс аумағында болған
![](https://halyq-uni.kz/cache/imagine/1200/uploads/news/2024/07/14/66b4c9522d378744013706.jpeg)
Жетісу облысында қайықтағы адамдар құтқарылды, деп хабарлайды Halyq Uni тілшісі.
Бүгін ТЖМ қызметкерлері Ақши ауылында Алакөл көлінің жағалауынан 12 шақырым қашықтықта үш ер адамды құтқарып, жағалауға жеткізді. Олар жүзу құралы қозғалтқышының ақаулығынан қайтып келе алмаған, деп мәлімдеді Төтенше жағдайлар министрлігі.
Құтқарылған адамдарға медициналық көмек қажет болмады, – деп толықтырды ведомство.
«Сіздің қауіпсіздігіңіз - сіздің жауапкершілігіңіз», деп ескертті құтқарушылар.