Ақтөбе облысында 7 адам құтқарылды
Олардың бесеуі – бала
фото: newtimes.kz
Құтқарушылар төтенше жағдайда көмекке келді, деп хабарлайды Halyq Uni тілшісі.
Бүгін түнде Ақтөбе облысы Ырғыз ауданының Ырғыз ауылына жақын жерде жеңіл автокөлік балшық массасына батып қалды, деп мәлімдеді Төтенше жағдайлар министрлігі.
Жүргізуші өздігінен шыға алмай құтқарушылардан көмек сұрады. Оқиға орнына жеткен құтқарушылар 7 адамды, оның ішінде 5 баланы Ырғыз ауылына эвакуациялады. Олар медициналық көмекті қажет етпеді, – деп толықтырды ведомство.
Төтенше жағдай кезінде 112 нөмірі бойынша хабарлаңыздар, деп еске салды ТЖМ.
