Жетісуда браконьер 3 млн теңгенің балығын аулаған
Тергеу жұмыстары жүргізіліп жатыр
![](https://halyq-uni.kz/cache/imagine/1200/uploads/news/2024/07/09/668cd8561992c600804770.jpeg)
Жетісу облысында 3 миллион теңгенің балығын аулаған браконьер ұсталды, деп хабарлады Halyq Uni тілшісі.
Рейдтік іс-шаралар барысында табиғатты қорғау полициясы 400 келі балықты заңсыз тасымалдаған Қаратал ауданының тұрғынын ұстады.
Автокөліктің багажын тексеру кезінде тасымалдауға тиісті құжаттары жоқ 400 келі балық табылды. Алдын ала залал 2 млн 800 мың теңге болды. Балық ресурстарын заңсыз аулау фактісі бойынша тергеу басталып, барлық мән-жайлар анықталып жатыр, – деді табиғатты қорғау полициясының бастығы Ринат Парманов.
Полиция тұрғындар мен қонақтарды табиғатты қорғау заңнамасын сақтауға және табиғатты қорғауға шақырады.