Оралда сейф ұрламақ болған жігіт ұсталды (ВИДЕО)
Оқиғаның мән-жайы анықталып жатыр
Фото: polisia.kz
Оралда полиция сейф ұрламақ болған жігітті ұстады, деп хабарлады Polisia.kz.
29 маусымға қараған түні қаладағы кеңселердің біріне белгісіз біреу кіріп, темір сейфті көтеріп алып кеткен. Онда шамамен 1 млн теңгеге болған.
Жедел-іздестіру іс-шаралары барысында 26 жастағы күдікті ұсталды. Ол Орал қаласында тұрады.
Күдікті уақытша ұстау изоляторына қамалды. Ұрланған сейф тәркіленді.
Дерек бойынша қылмыстық іс қозғалды. Тергеу амалдары жүргізіліп жатыр.
