Компания директоры кассадан 25 миллион теңге ұрлаған
Ол ақшаны жеке қажеттіліктеріне жұмсаған
![](https://halyq-uni.kz/cache/imagine/1200/uploads/news/2024/07/05/6687ab5d7ce06142915469.png)
Компания директоры кассадан 25 миллион теңге ұрлаған, деп хабарлады Halyq Uni тілшісі.
Полиция қызметкерлерінің мәліметінше, 20 сәуірде Көксу аудандық ПБ-ға акционерлік қоғамның өкілінен арыз түскен. Азамат аудандық филиал директорының кассадан қомақты соманы алып, белгісіз бағытта қашып кеткенін хабарлаған.
Компания өкілінің айтуынша, күдікті өзінің қызметтік жағдайын пайдаланып, қолма-қол ақша алып, ізін суытқан. Тексеру барысында 25 миллион теңгеден астам қаржының жетіспейтіні анықталды.
Іздестіру шаралары барысында күдікті ұсталып, өз кінәсін мойындады. Жауап алу кезінде ақшаны жеке қажеттіліктеріне жұмсағанын айтты, – деді Көксу АПБ бастығының орынбасары Әділет Мақашев.