Ақтауда жедел жәрдем фельдшеріне шабуыл жасаған күдікті ұсталды
Тергеу амалдары жүргізіліп жатыр
Фото: Halyq Uni
Ақтауда жедел жәрдем фельдшерін ұрған ер адам ұсталды, деп хабарлады Halyq Uni тілшісі lada.kz-ке сілтеме жасап.
Полиция қызметкерлерінің айтуынша, күдіктіге қатысты «Бұзақылық» бабы бойынша қылмыстық іс қозғалған.
Қазір аталған дерекке қатысты тергеу амалдары жүргізіліп жатыр. Тергеу мүддесі үшін өзге де мәліметтер жария етілмейді, – делінген хабарламада.
Еске сала кетсек, 30 маусымда түн ортасында жедел жәрдем фельдшеріне шабуыл жасалғанын хабарлаған болатынбыз. Оның миы шайқалып, бетінің көп жері көгерген.
