Астанадағы Есіл өзенінің жағасында Қазақстан мәдениетінің апталығы салтанатты түрде ашылды, деп хабарлайды Halyq Uni тілшісі.

Апталық аясында елордалық жағалауда бірқатар тақырыптық іс-шаралар ұйымдастырылды. Ұйымдастырушылар – қалалық Мәдениет басқармасы, Сарыарқа ауданы және қоғам қайраткерлері, деп мәлімдеді елорда әкімдігі.

Қазақстанның мәдениет күндерінің ашылуы өтті. Халық үшін ұлттық ойындардан түрлі интерактивтер, жарыстар дайындалды. Сондай-ақ қала тұрғындары мен қонақтары үшін тілдерді дамыту және мұрағат басқармасымен бірлесіп «Қазақша лайк» ойыны өткізілді. Мұндай іс-шаралар 8-ші шілдеге дейін жалғасады. Спорт, музыка сияқты және басқа да тақырыптық іс-шаралар жоспарланып отыр, - деді Сарыарқа ауданы әкімінің міндетін атқарушы Дамир Хисматуллин.

Мерекелік іс-шара көркем және анимациялық фильмдер көрсетуден басталды. Қала тұрғындары мен қонақтарына «Менің атым Қожа» және басқа да кинофильмдер көрсетілді. Ұлттық атмосфераға ену мақсатында ұйымдастырушылар этноауыл құрды. Жағалауда ұлттық киімдер мен өнер көрмесі өткен алтыбақан алаңы мен киіз үй орнатылды. Қонақтар Қазақстанның бай мәдени мұрасын тамашалай алды. Сонымен қатар астаналықтарға тазы тұқымды иттер және бүркіт көрсетілді.

Бұған қоса Есіл өзенінің жағасында ұлттық спорттық ойындар ұйымдастырылды. Іс-шара соңында «Жошы» этно-фольклорлық ансамблі қатысушының барлығына мерекелік көңіл күй сыйлады. Іс-шара 8 шілдеге дейін Есіл өзенінің жағалауында жалғасады:

• 3 шілде сағат 19:00-де басталады;
• 4 шілде сағат 19:00-де басталады;
• 5 шілде сағат 18:00-де басталады;
• 6 шілде сағат 16:00-де басталады;
• 7 шілде сағат 19:00-де басталады;
• 8 шілде сағат 19: 00-де басталады.