Сатушы, сақтандыру агенті және кассир: Қазақстандықтар қандай курстарды көп оқиды
Биыл 61 мыңнан астам азамат Еңбек министрлігінің платформасында оқыған
![](https://halyq-uni.kz/cache/imagine/1200/uploads/news/2024/07/03/66b7c0a0368e3855811884.jpeg)
61 мыңнан астам қазақстандық Skills Enbek платформасында білім алды, деп хабарлайды Halyq Uni тілшісі.
2024 жылдың басынан бері 61,6 мың азамат, оның ішінде 32,6 мыңға жуық жұмыссыз Skills Enbek кәсіптік оқыту платформасында онлайн-курстардан өткені туралы сертификат алды. Платформада барлығы 437,8 мың қазақстандық тіркелген, оның 79,1 мыңы – 2024 жылы тіркелді, деп мәлімдеді Еңбек және халықты әлеуметтік қорғау министрлігі.
Оқудан өткен 32,6 мың жұмыссыз азаматтың 9,4 мыңға жуығы негізінен Ақтөбе, Түркістан, Қызылорда, Жамбыл облыстарының және Шымкент қаласының жастары, – деп толықтырды ведомство.
Платформа іске қосылғаннан бастап авторлар әртүрлі бағыт бойынша 494 курс жариялады, оның 257-cі тегін. Сондай-ақ, одан әрі оқу үшін білім беру алаңдарына ауысу мүмкіндігімен Courstore және Fluent Education серіктестерінің курстары бар.
Курстардың ұзақтығы 1-ден 72 сағатқа дейін.
Маусымдағы ең көп сұранысқа ие болған курстар: «Отельде сауда-саттық бөлімін ашу», «Кассир», «Сатушы», «Сақтандыру агенті» және «Қимыл-қозғалысында қиындықтар бар адамдарды сүйемелдеу үшін жеке көмекшінің кәсіби курсы». Платформада тұру және тамақтану, құрылыс және ТКШ, әлеуметтік қызмет көрсету, қаржы және бухгалтерлік есеп, ақпараттық технологиялар және т.б. салалардағы түрлі мамандықтар бойынша тегін курстар саны үнемі артып келеді, – дейді министрлік.
Бұдан бұрын хабарлағандай, платформа халықтың білім деңгейі мен кәсібилігін арттыруға, мансаптық дамуды ынталандыруға және «өмір бойы оқыту» тұжырымдамасын ілгерілетуге бағытталған. Ол маркетплейс – қызметтер нарығы қағидаты бойынша онлайн курстарға қол жеткізуді ұсынатын халықаралық оқыту алаңдарына ұқсас құрылған. Оқуға https://skills.enbek.kz/ сілтемесі арқылы немесе enbek.kz сайтындағы «Онлайн оқыту» бөлімін таңдау арқылы тікелей қол жеткізуге болады.
Платформада білім алушы оқытудың қолайлы қарқыны мен тілін, материалды берудің ыңғайлы принципін дербес таңдайды, білім беру үдерісіндегі өзінің ілгерілеуін бақылай алады. Білім алушы үшін артықшылықтар: кеңейтілген курстарды іздеу, сабақтың түсінікті құрылымы, оқу процесін бақылау және курс авторларымен жылдам өзара әрекеттесу.
Оқу аяқталғаннан кейін білім алушы 70% шекті деңгеймен тестілеу тапсыруға тиіс. Онлайн курсты сәтті аяқтаған жағдайда дағдыларды игеру туралы сертификат беріледі. Курсты аяқтаудың міндетті шарты – студент тарапынан курсты бағалау. Алынған сертификат Электрондық еңбек биржасында (enbek.kz) тіркелген кезде білім алушы жасаған түйіндемеде автоматты түрде көрсетіледі. Қызметкерлерді іздеу кезінде әлеуетті жұмыс беруші платформада сәтті оқудан кейін алынған сертификаттарды көре алады, – дейді мекеме.
Авторлар мен әзірлеушілерге арналған платформада онлайн курстарды орналастыру тегін. Курстар мемлекеттік және орыс тілдерінде орналастырылуы мүмкін. Ақпарат берудің әртүрлі форматтары: мәтін, презентация, бейне және аудио материалдар, инфографика мен басқа түрлері болуға тиіс. Платформа ерекше қажеттіліктері бар білім алушылар үшін интерфейсті бейімдеу мүмкіндігін болжайды. Курс авторлары үшін ыңғайлы сабақ құрастырушы, жарияланған курстардың статистикасы мен тиімділігін қарауға қолжетімді, сертификаттардың әртүрлі дизайны көзделген, сондай-ақ оқу құнын алдын ала есептеуге арналған онлайн-калькулятор бар.
2023 жылғы желтоқсаннан бастап курстарды Enbek мобильді қосымшасы арқылы оқуға болады. Қосымшаны Google Play және App Store-дан жүктеуге болады.