Су тасқыны: БҚО-да 800-ге жуық үй жаңадан салынады
Құрылысты онлайн бақылауға болады
![](https://halyq-uni.kz/cache/imagine/1200/uploads/news/2024/07/02/6683a00a3da1f375137429.jpg)
Батыс Қазақстан облысында су тасқыны кезінде бүлінген 800-ге жуық үй жаңадан салынады, деп хабарлады Өнеркәсіп және құрылыс министрлігі.
Ведомство мәліметінше, БҚО Қаратөбе ауданы Қоржын ауылында 90 жаңа үй салынуда. Құрылыс тамызда аяқталады деп жоспарланып отыр. Сондай-ақ 13 үйді жөндеу аяқталған.
Құрылыс барысын gov.kz порталы арқылы онлайн бақылауға болады.
ӨҚМ Ахуалдық орталығының мәліметінше, Батыс Қазақстан облысында 4 286 нысанға техникалық зерттеу жүргізілді. Нәтижесінде төмендегі іс-шаралар жоспарланып отыр:
- 775 тұрғын үй салу;
- 1 988 тұрғын үй сатып алу, оның ішінде 745 сатып алынды;
- 1 527 үйде жөндеу жұмыстарын жүргізу, оның ішінде 922 үй жөнделді.
Айта кетейік, Батыс Қазақстан облысында үйлерді салуға және жөндеуге 1,8 мыңға жуық жұмысшы және 300-ден аса арнайы техника жұмылдырылды.