25 маусымнан бастап 1 шілдеге дейін колледждерге қазаз түріндегі құжаттар қабылданады, деп хабарлады Астана қаласының әкімдігі.

1 шілдеден бастап құжаттарды қабылдау электрондық үкімет порталы (https://egov.kz/cms/kk) арқылы жалғасады.

Түлектер 4 колледжді және 4 мамандықты таңдай алады. Конкурс білім туралы құжатқа сәйкес, міндетті және бейінді пәндердің бағаларын орташа конкурстық балл бойынша бөлу жолымен автоматтандырылған түрде өткізіледі.

Педагогикалық мамандықтар, өнер және мәдениет мамандықтары бойынша арнайы немесе шығармашылық емтихандар, медициналық мамандықтар бойынша психометриялық тестілеу және конкурсқа рұқсат алу қарастырылған, – делінген хабарладама.

Квота санаты үшін растайтын құжаттарды ұсыну қажет (1, 2-топтағы мүгедектер, мүгедек балалар және олардың тәрбиеленуші отбасылары, ауыл жастары, жетім балалар, көпбалалы, әлеуметтік аз қамтылған және толық емес отбасылардан шыққан балалар және т.б.).

Жұмысшы біліктіліктеріне (аспаз, күтуші, кондитер, тігінші, дәнекерлеуші, шаштараз және т.б.) және мақсатты мемлекеттік тапсырысқа колледжге әңгімелесу нәтижелері бойынша конкурстан тыс 25 тамызға дейін қабылданады.