Атырау қаласының №2 соты облыстық мемлекеттік еңбек инспекциясы басқармасының бөлім басшысы С. Джабасовқа қатысты үкім шығарды.

Сот үкімі бойынша С. Джабасов кәсіпкердің ақшасын алаяқтық жолмен жымқыруға оқталып, өндірісте қайтыс болған 2 қызметкерге қатысты қозғалған қылмыстық қудалауды тоқтатып, лауазым иелеріне пара бергісі келгені үшін сотталды.

Соттың шешімімен оған мемлекеттік қызметте лауазымдарды атқару құқығынан өмір бойына айыра отырып, 4 жылға бас бостандығынан айыру жазасы тағайындалды.

Алдын алу шаралары аясында процеске онлайн режимде еңбек инспекциясы басқармасының қызметкерлері қосылды.

Үкім заңды күшіне енген жоқ.