×

Шымкентте 21 тұрғынды алдаған алаяқ 4 жылға сотталды

Жәбірленушілер 34 млн теңгелерінен айырылған

 Динара Амантай 06.06.2022 | 13:37
Фото: www.dreamstime.com

Шымкент қаласының тұрғыны екі жыл бойы азаматтарға «мемлекеттік бағдарламамен пәтер алуға көмектесемін» деп алдап келген. Алаяқтың арбауына 21 тұрғын түсіп, жалпы сомасы 34 млн ақша берген. Бұл туралы Шымкент қаласы Полиция департаментінің баспасөз қызметі хабарлады.

 Алаяқтықты кәсіп еткен 27 жастағы азаматша қала аумағында соғылып жатқан көпқабатты тұрғын үйлерден танысы арқылы пәтер алып бере алатындығын айтып, өзін жарнамалап тұрғындардың сеніміне кірген. Адамдардан алған ақшаларын өз пайдасына жаратып отырған.

Тергеу жұмыстарының нәтижесінде оның бір азаматшаның үйіне бала күтушісі ретінде орналасып, сеніміне кіру арқылы банк картасын иемденгені белгілі болды.Одан кейін өзінің ұялы телефонына оның арнайы қосымшасын орнатып алып, басқа жәбірленушілердің ақшаларын осы картаға түсіріп отырған. Бұл жайында білген жәбірленуші полицияға арызданған. Бұдан өзге басқа жәбірленушілерден алған ақшаны кездейсоқ адамдарға өтініш жасап, банкоматтардан шешіп жүрген. Үйді ала алмай, алданғанын білген тұрғындар полицияға арызданған.

Тәртіп сақшыларымен жүргізілген жедел-іздестіру жұмыстары барысында куәлерден жауап алынып, сұрастыру жұмыстары жүргізілді. Банктік аударымдар тексерілгеннен кейін азаматшаның алаяқтық ісі толық дәлелденді, – делінген хабарламада.

Аталған факті бойынша қылмыстық істі жасағаны үшін азаматша 4 жылға сотталды.

Серіктес жаңалықтары

Сараптама

ШҚО-да 120 мың гектар жер бос жатыр. Ал шаруаларға жер жетіспейді

Өңірдегі жайылым жердің жалпы көлемі 2,3 млн гектар
07.02.2023 | 16:06

Түрік жаттықтырушысы жер сілкінісінен отбасындағы 15 адамнан айырылды

Соңғы дерекке қарағанда, қаза тапқандар саны 3 381 адамға жетті
07.02.2023 | 15:59

Димаш Құдайберген зілзаладан зардап шеккендерге көмектеседі (ВИДЕО)

Ол көмек ретінде концерттен түскен қаражаттың бір бөлігін бөледі
07.02.2023 | 15:43

Түркістан облысында алаяқтармен «ауыз жаласқан» полицей тергеліп жатыр

Тергеу соты оған «үйқамақ» бұлтартпау шарасын санкциялады
07.02.2023 | 15:34