Қарағанды облысында түрмеден қашып кеткен жазасын өтеуші ұсталды, деп хабарлады облыстық ҚАЖД баспасөз қызметі.

Бүгінде сотталушы түрмеде отыр.

Оған заңнамаға сәйкес шаралар қолданылады. Қылмыстық кодекске сәйкес, жазаны өтеуден жалтарғаны үшін 2 жылға дейін бас бостандығынан айыру жазасы қарастырылған, - деп мәлімдеді Қарағанды облысының ҚАЖД баспасөз қызметі.

Бұған дейін БАҚ-та Қарағанды ​​облысындағы түрмеден 1992 жылы туған Жандос Ошанаевтың қашып кеткені хабарланған еді.

Ол аса ірі көлемде алаяқтық жасағаны үшін сотталған (Қылмыстық кодекстің 190-бабы 3-бөлігі 1, 2, 3-тармақтары). Оның туыстары Теміртауда тұрады. Бойы – 175 сантиметр, салмағы – 73 келі. Орта денелі, шашы қара, көзі қоңыр. Сол қолында 4,5 сантиметр күйік тыртығы және оң қолының ортаңғы саусағында сақина түріндегі татуировкасы бар.