Ақтөбеде 5 жасар бала өз бөлмесінде ойнап жүріп, үйдің жетінші қабатының терезесінен құлап кеткен.

Жазатайым оқиға салдарынан алған дене жарақатынан бала оқиға орнында қайтыс болды, - деп хабарлады Ақтөбе облысының ПД баспасөз қызметі.

Жалпы, жыл басынан бері өңірде терезеден 7 бала құлаған.

Ақтөбе облысының полиция департаменті мынадай қауіпсіздік шараларын сақтау қажеттігін еске салады:

• кішкентай балаларды ешқашан қараусыз қалдырмаңыз;
• терезенің шыбын-шіркейден қорғайтын торлары баланы құлаудан сақтамайтынын ешуақытта естен шығармаңыз!
• балалардың балконға ересектерсіз кіруіне жол бермеңіз!