Жас сарбаз жарты жыл бойы комада жатыр: Бас әскери прокуратура мәлімдеме жасады
Әзірге күдікті ретінде ешкім анықталмаған
![](https://halyq-uni.kz/cache/imagine/1200/uploads/news/2024/06/04/665eba323f0d9945178231.jpg)
Бас әскери прокуратура Алматы облысындағы әскери бөлімде жарақат алып, 6 айдан бері комада жатқан сарбаз Ербаян Мұхтардың ісіне қатысты мәлімдеме жасады.
Әскери прокуратураның мәліметінше, қазір «Денсаулыққа ауыр зиян келтіру арқылы әскери қызметшілер арасындағы өзара қарым-қатынастың жарғылық ережелерін бұзу» бабы бойынша тергеу жүргізіліп жатыр. Әзірге күдікті ретінде ешкім анықталмаған.
Сотқа дейінгі тергеп-тексеру органы қатардағы жауынгер Ербаян Мұхтардың дене жарақатын алуына қатысты түрлі нұсқаларды қарастырып жатыр. Оның ішінде жарғыдан тыс қарым-қатынастар да болуы мүмкін. Тергеу мүддесі үшін басқа ақпарат жария етілмейді, – делінген прокуратура хабарламасында.
Ал сарбаздың анасы құзырлы органдардан әділдікті талап етіп, шырылдап жүр.