Жағдай бақылауда
Елорда іргесіндегі Қоянды ауылында нөсер жаңбыр салдарынан 2 үй мен 20 ауланы су басты, деп хабарлады ТЖМ.
Ақмола облысы Целиноград ауданы Қоянды ауылында түнімен жаңбыр жауған. Салдарынан 2 жер үй мен 20 ауланы су басқан. Қазір үйлерден су сорылды.
Мамандар ауылда шамамен 700 метр арық қазып, 6 мыңға жуық текше метр суды сорған.
Жағдайды жергілікті әкімдік мен ауданның ТЖ бөлімінің мамандары бақылап отыр.