Талдықорғанда 4 жасар бала құтқарылды
Құтқарушылар пәтерге балкон арқылы арнайы жабдықтың көмегімен кірген
Фото: Төтенше жағдайлар министрлігі
Талдықорған қаласында пәтерде ересек адамдардың қарауынсыз қалған 4 жасар бала құтқарылды. Оны Жетісу облысы төтенше жағдайлар департаментінің қызметкерлері құтқарды.
Оқиға қаладағы көпқабатты үйлердің бірінде болған. Ересектердің қарауынсыз қалған бала 5-қабаттағы пәтерден шыға алмай қалған.
Құтқарушылар пәтерге балкон арқылы арнайы жабдықтың көмегімен кірген. Содан кейін бала ата-анасына аман-есен тапсырылды.
Сәби зардап шеккен жоқ. Медициналық көмекке де мұқтаж болмады.
