Эрика Жайлауова мен Милана Парфилова медалист болды
Көркем гимнастикадан Португалияның Портиман қаласында өткен Challenger Cup турнирінде Эрика Жайлауова мен Милана Парфилова күміс жүлдені жеңіп алды.
Эрика Жайлауова доппен өнер көрсетудің финалында 32.400 балл алса, Милана Панфилова шығыршық жаттығуында 33.800 баллға ие болды. Одан кейін ол лентамен бақ сынап, қола (30.750 ұпай) медаль иегері атанды.
Көпсайыс қорытындысында Парфилова 5, Жайлауова 7-орынды қанағат тұтты. Ал жекелеген жаттығулар бойынша өткен финалда екі спортшымыз да жүлдегерлер қатарынан көрінді.
Қазақстан командасының үздіктері Елжаңа Таниева мен Айбота Ертайқызы алдағы Әлем кубогы кезеңдеріне дайындалып жатыр.