Астанада әйелін ұрған тағы бір шенеуніктің үстінен қылмыстық іс қозғалды (ВИДЕО)
Елшінің кеңесшісі шұғыл түрде Қазақстанға шақыртылған
![](https://halyq-uni.kz/cache/imagine/1200/uploads/news/2024/05/10/663de0fe19ebd111896201.jpeg)
Астана полициясы Қазақстанның БАӘ-дегі елшісі кеңесшісінің әйелі Карина Мамаштың «күйеуім ұрып-соқты» деген мәлімдемесінен кейін қылмыстық іс қозғады.
Аталған факті бойынша қылмыстық іс қозғалды. Тергеу мүддесіне қатысты басқа мәліметтер жарияланбайды, - деп хабарлады Астана қалалық ПД баспасөз қызметі.
Еске сала кетсек, осыдан бірнеше күн бұрын қазақстандық әйел БАӘ-дегі елшілікте кеңесші болып жұмыс істейтін күйеуін әпкесі екеуін ұрды деп айыптаған болатын.
10 жыл бойы ол мені зорлап, ұрып-соғып келеді. Маған және оның қасындағы балаларыма да қауіп төніп тұр. Мен мемлекетімізден көмек сұраймын, - дейді әйел видеода.
Сол күні Сыртқы істер министрлігінің өкілі бұл қызметкер шұғыл түрде Қазақстанға шақыртылғанын, енді оның ісімен құқық қорғау органдары айналысатынын мәлімдеді.
Ал 9 мамырда Қазақстанның Біріккен Араб Әмірліктеріндегі (БАӘ) елшісінің кеңесшісі Сәкен Мамаштың әйелі Карина Мамаш Астанадағы дағдарыс орталығына орналасқан болатын.