Алматыда қар көшкіні жүруі мүмкін
Сондықтан қарлы беткейлерге шығуға болмайды
![](https://halyq-uni.kz/cache/imagine/1200/uploads/news/2024/05/07/66b92a719ea90543791066.jpeg)
Қазгидромет бүгінге арналған ауа райы болжамын ұсынды, деп хабарлайды Halyq Uni тілшісі.
«Қазақстанның басым бөлігінде атмосфералық фронтальды бөлімдердің өтуімен тұрақсыз ауа райы сақталады. Найзағаймен жаңбыр жауады, елдің оңтүстік-батысында қатты жауын жауып, бұршақ күтіледі. Тек еліміздің батысы, шығысы мен оңтүстігінде жауын-шашынсыз ауа райы болады. Республика бойынша желдің күшеюі мүмкін, солтүстік-батыста, шығыста тұман түседі», - деді Қазгидромет баспасөз хатшысы Алина Исмагулова ОКҚ алаңында өткен брифингте.
Түнде Ақмола, Павлодар, Шығыс Қазақстан облыстарының шығысында, Қарағанды облысының солтүстік-шығысында, Абай облысында 1-3 градус үсік жүреді. Солтүстік Қазақстан облысының шығысында топырақ бетінде 1 градус үсік болады. Атырау, Қарағанды, Ұлытау, Қызылорда, Ақтөбе, Түркістан, Абай облыстарында жоғары өрт қаупі сақталады. 7-13 мамыр аралығында қар жамылғысының тұрақсыздығы мен биіктігінің жоғары болуына байланысты Үлкен және Кіші Алматы су алаптарында қар көшкіні қаупі сақталады. Көшкін жүру ықтималдығына байланысты, қарлы беткейлерге шығу ұсынылмайды.
7 мамырға ауа райы болжамы жарияланды. Алдағы үш күнге ауа райы болжамы жария болды. Елімізде құрғақшылық басталады.