Құтқарушылар оқиғаға шұғыл жетті
Қызылордада мамандар көлікте қалып қойған 2 жасар баланы құтқарды, деп хабарлады ТЖМ.
Оқиға 30 сәуірде қаладағы көпқабатты тұрғын үйдің ауласында болған. Көлікте кішкентай бала қалып қойған.
Оқиға орнына 4 құтқарушы келді. Олар автокөлік есігін арнайы жабдықтың көмегімен ашты. Көлікте қалған 2022 жылы туған қыз құтқарылды.
Тұрғын құтқарушыларға алғыс айтты.