«Үй кезегін жылжытамын». 7 адамды алдаған алаяқ ұсталды
Ол алаяқтықты кәсіпке айналдырған
Фото: polisia.kz
Түркістан облысында полиция 7 адамды алдаған күдіктіні ұстады, деп хабарлады Polisia.kz.
Сарыағаш ауданында полицейлер алаяқтық қылмысын ашты. 31 жастағы әйел «Тұрғын үй кезегін жылжытып беремін» деп адамдарды алдаған. Ол жедел-іздестіру іс-шарасы барысында ұсталды.
Күдікті жәбірленушінің сеніміне кіріп, алдын ала 100 мың теңге ақшасын алып, хабар-ошарсыз кеткен.
Бұдан басқа, полиция оның 6 тұрғыннан алаяқтық жолмен ақша алғанын анықтады. Әйел адамдарды «үй алып беремін» деп алдаған. Осылайша, ол алаяқтықты кәсіпке айналдырған.
Қазір күдікті тергеліп жатыр.
