Парламент Мәжілісінің депутаты Жанарбек Әшімжан Алматы облысына іс-сапарында Іле ауданының орталығы - Өтеген батыр кентінде болып, осында Мәдениет үйінің атымен жоқтығына наразылық білдірді.  

«Іле ауданының орталығы - Өтеген батыр кентінде Мәдениет үйі жоқ. Аудан орталығында 40 мыңға жуық халық тұрады. Кезінде бұл ауылда хан сарайындай Мәдениет үйі болған. Бір ғана Жетіген ауылының өзінде ғана төрт бірдей Мәдениет үйі жұмыс істеген.

90-жылдардың басындағы оңтайландыру саясатының кесірінен Мәдениет үйлері мен кітапханалар жабылды. Сол тұста мәдени ошақтар азайып, түрмелер көбейді… Жекелеген нысандар ресторандарға, түнгі клубтарға айналды.

Бүгінгі бөтелкеден шығып кеткен жын секілді «Ирина Кайратовна», «Шиза» деген меңдуана жеген топтар сол кезеңдердің жемісі…», - деп жазды ол Facebook-те.