«Мұғалімдер гуманитарлық көмекті ұрлады»: полиция кінәлі әйелді жауапқа тартты
Мектеп директоры ПБ-ға шағымданды
Фото: Halyq Uni
Петропавл тұрғыны жалған хабар таратқаны үшін жауапқа тартылды, деп хабарлады Halyq Uni тілшісі.
WhatsApр чаттарда 27 жастағы әйел адамның «мұғалімдер гуманитарлық көмекті ұрлап жатыр» деген дыбыстық хабарламасы тараған. Мектеп директорының полицияға шағымынан соң, тексеру жүргізіліп, ақпараттың жалған екендігі анықталды. Кінәлі азамат әкімшілік жауапкершілікке тартылып, сот шешімімен оған 10 АЕК (36 920 теңге) көлемінде айыппұл салынды.
Тәртіп сақшылары жалған ақпарат таратқаны үшін жауапкершілік қарастырылғанын еске салады.
