Тұрғындар малын аман сақтап қалу үшін жанталасып жатыр
Атырау облысында құтқарушылар қыстақта қалып қойған малшыны құтқарды, деп хабарлады ТЖМ.
Жылыой ауданында Жем өзені су деңгейінің көтерілуіне байланысты, елді-мекендерге су басу қаупі төнген. Өңірде ТЖД құтқарушылары тұрғындарға және олардың төрт түлік малын қауіпсіз жерге көшіруге көмектесіп жатыр.
Биыл 7 сәуірде Жылыой ауданының Құлсары қаласындағы Дүйсеке ата қыстағынан 1982 жылы туған азамат құтқарылды. Өңір тұрғыны Маңғыстау, Атырау облыстарының ТЖД құтқарушыларына алғыс айтты.