Полицияға жалған хабарлама берген қызылордалық қылмыстық жауапкершілікке тартылды, деп хабарлады Halyq Uni тілшісі.

Қызылорда қаласының тұрғыны телефон арқылы өзінің үйінің жанында жарылғыш зат жатқаны жөнінде полицияға хабарлаған. Аталған мекенжайда жару-техник мамандарымен тексеріс жүргізіліп, жарылғыш зат табылмады.

Қызылорда облысы ПД экстремизмге қарсы іс-қимыл басқармасының қызметкерлерімен жүргізілген жедел-іздестіру іс-шараларының нәтижесінде жалған хабарлама берген Қызылорда қаласының 38 жастағы тұрғыны анықталып, оған қатысты ҚР ҚК-нің 273-бабы бойынша қылмыстық іс қозғалды.

Тергеу барысында жалған хабарламаны азаматтың өз туыстарына ызаланып, мас халде жібергені белгілі болды.

Қызылорда қалалық сотының үкімімен жалған хабарлама берген азаматқа 3 жыл мерзімге бас бостандығын шектеу жазасы тағайындалды.