Ақтөбе облысында су басқан ауылдан 70-тен аса адам эвакуацияланды
Жем өзеніндегі су деңгейінің көтерілу қаупі туындаған
Фото: ТЖМ баспасөз қызметі
Ақтөбе облысында су басқан ауылдан 70-тен аса адам эвакуацияланды, деп хабарлады Halyq Uni тілшісі.
Облыстық ТЖД-ның мәліметінше, Мұғалжар ауданы Жағабұлақ ауылында қардың еруі мен жауын-шашынның көп түсуіне байланысты екі аула учаскесін су басқан. Бұған қоса Жем өзеніндегі су деңгейінің көтерілу қаупі туындаған.
Осыған байланысты 74 адам, оның ішінде 30 бала эвакуацияланды. Оларға медициналық көмек қажет болмады.
