Марқұм Болат Назарбаевтың 22 жастағы ұлы Ханболат Назарбаев Астанада сауда орталығын салуға тырысқан, бірақ оның нысанды салуға рұқсаты жоқ болып шықты. Нәтижесінде оған айыппұл салынды.

Бұл ретте 2020 жылдың 20 ақпанында Ханболат Назарбаев елордадан Тәуелсіздік даңғылы бойындағы жер телімі сыйға (кәмелеттік жасқа толғаны үшін) тартылған. Ол мейрамханасы бар қонақ үй кешені болды. 2023 ылдың 5 маусымында Назарбаев әкімдікке жер телімінің мақсатын өзгерту туралы өтінішпен жүгінген. Ол сол жерге сауда орталығын салғысы келген. Алайда жауапты күтпестен мейрамханамен бірге қонақ үй кешенін бұзып, сауда ойын-сауық кешенін салуға кіріседі. Бірнеше айдың ішінде қадаларын орнатып та үлгерген.

Астанада соған қатысты сот процесі басталғанда Ханболат Назарбаев оған қатыспаған.

«Сот отырысында «Астана қаласының қоршаған орта мен сапасын бақылау басқармасы» ММ-нің өкілі жоспардан тыс тексеру нәтижелері бойынша мемлекеттік нормативтік-құқықтық актілерде, сондай-ақ сәулет, қала құрылысы және құрылыс қызметі саласындағы өзге де құқықтық актілерде көзделген талаптардың бұзылғаны анықталғаны туралы куәлік берді. Бұл жерде бұрын мейрамханасы бар қонақ үй кешені болған және жер телімінің нысаналы мақсаты, тіркеуші органның мәліметі бойынша, сот ұйғарымында көрсетілгендей, «мейрамханасы бар қонақ үй кешенін пайдалану» болған.

Нәтижесінде сот Назарбаевқа ӘҚБтК-нің 463-бабын бұзғаны үшін 103 500 теңге айыппұл салып, барлық ғимараттарды бұзуға міндеттеді. Сондай-ақ 22 жастағы Ханболат Назарбаевтың бірнеше компанияның «негізін қалаушы» екені де белгілі болды. Олардың қатарында Newkazgroup Development және Amanat-building құрылыс компаниялары, Imexpharma фармацевтикалық компаниясы және BN HAN invest group инвестициялық компаниясы бар.

Бір қызығы, 1999 жылдан 2019 жылға дейін Newkazgroup Development астық сатумен айналысқан және оның құрылтайшылары Назарбаевтар отбасынан ешкімді қоспаған. Бірақ 2019 жылы компания ұзақ мерзімді профилін толығымен өзгертеді, ал 2021 жылы Ханболат Назарбаев оның тең құрылтайшысы болады.