Шымкент жарықсыз қалды
Қазір арнайы бригада ақауды анықтап жатыр
Фото: araika99.blogspot.com
Шымкент қаласының бір бөлігі жарықсыз қалды. Бұл туралы қала әкімдігінің баспасөз қызметі хабарлады.
Бүгін қаладағы апаттық жағдайға байланысты «Достық», «Нұршуақ», «Солтүстік-батыс», «Солтүстік саяжай» шағын аудандарындағы 3 мыңнан аса пәтер электр қуатынсыз қалды. Қазір арнайы бригада ақауды анықтап, тиісті жөндеу жұмыстарымен айналысып жатыр, – делінген хабарламада.
Әкімдіктің хабарлауынша, тұрғын үйлер электр қуатына екі сағатта қосылады деп жоспарланып отыр.
