Сыбайлас жемқорлыққа қарсы іс-қимыл агенттігі бұрынғы Мәдениет және спорт вице-министрі Ерлан Қожағапановқа қандай айып тағылғанын хабарлады.

1 наурызда Сыбайлас жемқорлыққа қарсы қызмет жасырын іс-шаралардың нәтижесі бойынша Мәдениет және спорт экс-вице-министрі Қожағапановты ауыр жемқорлық қылмыс жасады деген күдік бойынша ұстады. Коммерциялық ұйымның мүддесі үшін әрекет етіп, ол 2018 жылы Петропавл қаласында Қазақстан Республикасы мен Ресей Федерациясының 15-ші өңіраралық ынтымақтастық форумының көрмесін ұйымдастыру бойынша шарт жасауды қолданған. Бұл ретте форумды өткізу үшін смета екі есеге өсті. Бұл бюджет қаражатының негізсіз жұмсалуына әкелді. Қылмыстық жолмен алынған қаражатқа сатып алынған мүлік анықталды және оған тыйым салынған, - деді агенттіктің ресми өкілі Арман Тілеукенов брифингте.

Айта кетейік, бұған дейін Сыбайлас жемқорлыққа қарсы қызмет бұрынғы Мәдениет және спорт вице-министрі ауыр жемқорлық қылмыс жасады деген күдікпен ұсталғанын хабарлады. Күдіктінің Алматы қаласы полиция департаменті уақытша ұстау изоляторына қамалғаны белгілі.