Оқу-ағарту министрі Ғани Бейсембаев Қазақстанда балабақшаға кезекке тұрудың бірыңғай базасы қашан іске қосылатынын айтты, деп хабарлады Halyq Uni тілшісі.

Қазір база пилоттық режимде енгізілді. Алайда биыл 1 қыркүйектен бастап балабақшаға кезекке тұрудың бірыңғай базасын барлық өңірде іске қосамыз, - деді Ғани Бейсембаев Үкімет отырысынан соң.

Айта кетейік, аталған базада ата-аналар баланы кезекке қою үшін бірден 4 балабақшаны көрсете алады. Содан кейін өтінішті бақылап отырады. Балабақшада орын босағанда ата-анаға дереу хабар жіберіледі.

Бірыңғай базада балабақшаны таңдаудан бастап, келісімшарт жасасуға дейінгі барлық рәсім электронды форматта жүргізіледі.