Алматыда қоймада шыққан өртті 104 адам сөндіріп жатыр
Сағат 12:28-де өрт оқшауланды
Фото: Алматы қаласы ТЖД
Алматыда базар аумағындағы қоймада шыққан өрт сағат 12:28-де оқшауланды.
Кейінгі ақпарат бойынша, өртті сөндіруге 104 адам мен 29 техника жұмылдырылған.
Бұған дейін Алматы қаласы ТЖД күштері мен құралдары Жетісу ауданы Көкмайса-27 шағын ауданында жұмыс істеп жатқаны хабарланды.
Алдын ала мәліметтер бойынша, қойманың төбесі жанған.
Сағат 11:31-де жанып жатқан қоймадан 1 газ баллоны шығарылды.
Қоймада өртті сөндіру жұмыстарын жарылыс қаупі бар заттардың (газ баллондары, аэрозольді газ баллондары, лак-бояу бұйымдары) болуы қиындатып жатыр.
