Түркістан қаласының прокуратурасы әкімшілік құқықбұзушылық туралы cот қаулыларын зерделеу барысында тіркеуден тыс қалған қылмыстық құқықбұзушылықтарды анықтады, деп хабарлады Halyq Uni тілшісі.

Атап айтқанда, полиция қызметкерлері есірткіге масаң күйде көлік басқарған 4 жүргізуші мен көлік басқару құқығынан айырылып, оны қайтадан масаң күйде жүргізген 1 жүргізушінің іс-әрекеттерінде қылмыс құрамы болуына қарамастан, оларды тек әкімшілік жауапкершілікке тартумен шектелген.

Бұл ретте прокуратура есiрткi заттарын пайдалану (ҚР ҚК-нің 296-бабы: «Есірткі және сол тектестермен өткізу мақсатынсыз заңсыз жұмыс істеу») және көлікті басқару құқығынан айырылған тұлға бола тұра қайта есірткіге масаң күйде көлік басқару (ҚР ҚК-нің 346-бабы: «Көлік құралдарын басқару құқығынан айырылған және есірткілік масаң күйдегі адамның көлік құралын басқаруы») фактілері бойынша сотқа дейінгі 5 тергеп-тексеруді бастады, – делінген хабарламада.

Қазір кінәлі азаматтарды жауапкершілікке тарту бойынша прокурорлық қадағалау шаралары қабылданып жатыр.