Жер қойнауын пайдаланушылар мемлекетке 450 млн теңге төледі, деп хабарлады Halyq Uni тілшісі.

Жер қойнауын пайдаланушылар келісімшарт бойынша жыл сайын өңірдің әлеуметтік-экономикалық дамуын қаржыландыруға міндетті. Дегенмен облыс прокуратурасы тексерумен жер қойнауын пайдаланушылардың Қызылорда облысының әлеуметтік-экономикалық дамуына қаржы төлемегенін анықтады.

Қаржыларды мемлекет бюджетіне өндіру мақсатында Энергетика министрлігіне прокурорлық қадағалау актісі енгізілді. Нәтижесі бойынша «Саутс Ойл» ЖШС Қызылорда облысының әлеуметтік-экономикалық дамуын қаржыландыруға 450 млн теңге қаржы төледі, – делінген прокуратура хабарламасында.

Бұл бағыттағы заңдылықтың сақталуы облыс прокуратурасының қатаң бақылауында.