Өзбекстан Қытайдың Shandong Energy Group Co., Ltd компаниясы Қарақалпақстандағы кен орындарын игеруге шақырды.

Қытайда өткен Өзбекстан-Қытай аймақаралық форумы аясында Қарақалпақстан Республикасы Жуқорғи Кенгеси төрағасы бастаған делегация Shandong Energy Group Co., Ltd компаниясының басшылығымен кездескен еді. Сол жиында Қытай кәсіпкерлері тау-кен металлургия жобаларымен айналысуға келісті.

B2B және G2B пішінінде өткен кездесуде Қарақалпақстан Республикасында тау-кен металлургия жобаларын іске асыру мәселесі талқыланды.

Компания басшыларымен екіжақты ынтымақтастық, перспективалы жобалар бойынша практикалық жұмыстарды жүргізу, сондай-ақ Қарақалпақстан Республикасында бастапқы құны 150 млн доллар болатын металлургия саласы жобасын іске асыру туралы келісімге қол қойылды.