Төтенше жағдайлар министрлігі мен «Қазақстан Aselsan Инжиниринг» ЖШС арасында ақпараттандыру, байланыс және халықты хабардар ету саласындағы бірлескен жобаларды іске асыру саласындағы ынтымақтастық туралы меморандумға қол қойылды.

«Қазақстан Aselsan Инжиниринг» ЖШС – ТЖМ бөлімшелерінде сұранысқа ие өнімдердің кең спектрін шығаратын қорғаныс-өнеркәсіп кешенінің бір бөлігі.

Кездесуде Төтенше жағдайлар вице-министрі, генерал-майор Бауыржан Сыздықов ұзақ мерзімді және өзара тиімді ынтымақтастыққа үмітті екенін айтты. Ал «Қазақстан Aselsan Инжиниринг» ЖШС-ның бас директоры Зия Чамоглу өзі басқаратын кәсіпорын ТЖМ бөлімшелеріне қажетті өнімді уақтылы және сапалы шығару, олардың алдына қойылған барлық міндетті іске асыру және орындау үшін бар күш-жігерін жұмсайтынын атап өтті.