Павлодар облысында қарттар үйінде ақша ұрлаған медбике жазадан құтылып кетті, деп хабарлады Pavlodarnews.kz.

Былтыр күзде Павлодар облысындағы қарттар үйінде медбике 2 зейнеткердің ақшасын ұрлаған. 24 жастағы қыз зейнеткерлердің банк картасын пайдаланып, жалпы 250 мың теңге ұрлаған.

Бұл дерек негізінде Қылмыстық кодекстің 188-бабы 2-бөлігі 4-тармағы («Ұрлық») бойынша іс қозғалды. Содан кейін іс Павлодар қаласы №2 сотына түскен

Сот талқылауына дейін жәбірленушілер сотталушымен татуласып, істі тоқтату туралы өтініш түскен. Залал толық өтелді. Жәбірленушілердің сотталушыға шағымы жоқ, – деп жазылған Павлодар қаласы №2 сотының қаулысында.

Сотталушының жәбірленушімен татуласуына байланысты іс тоқтатылды.