Қазақстанда жүргізушілер жылдамдықты шектен тыс асырып, заңды жиі бұзады. Бұл туралы ІІМ Әкімшілік полиция комитетінің төрағасы Қайсар Сұлтанбаев айтты, деп хабарлады Halyq Uni тілшісі.

Әкімшілік құқықбұзушылықтың ең көп таралған түрі – жылдамдық режимін сақтамау. 2023 жылы жүргізушілер тарапынан жылдамдықты асырудың 4 млн-нан аса дерегі тіркелді. Сондай-ақ олар жол белгілері талабын сақтамаған (2 млн-нан аса заңбұзушылық). Сондай-ақ көлікті пайдалану ережелерін бұзу – 300 мыңнан аса дерек. Жаяу жүргіншілер тарапынан жол ережесін бұзудың 311 мың дерегі тіркелді. Қазақстан аумағында құжатсыз жүру – шамамен 300 мың дерек. Осындай 5 заңбұзушылық жиі тіркелді, - деді Қайсар Сұлтанбаев ОКҚ-да өткен баспасөз мәслихатында.

Бұған дейін ұшаққа мас күйде отырған әншінің жауапқа тартылғаны хабарланған еді.