Павлодар облысында аязда көлік жолда қалып қойған
Жүргізушілер жолда сақ болуға тиіс
Аязда жолда қалып қойған жүргізуші мен жолаушыға көмек көрсетілді, деп хабарлады Екібастұз қаласы ТЖД-ның баспасөз қызметі.
Шідерті-Қарағанды тас жолында жеңіл көлік сынып қалған. Оның ішінде 2 адам болған.
Олар жол бойындағы «Сарухан» дәмханасына жеткізілді. Онда адамдарға ыстық тамақ беріліп, жылыту пунктіне орналастырылды, – деп жазылған хабарламада.
Аязда қалып қойған адамдарды құтқаруға 14-ӨС бөлімі, жергілікті атқарушы органдар мен жол қызметінің қызметкерлері жұмылдырылды.
Айта кетейік, бүгін елімізде ауа райының құбылмалы болатыны хабарлаған еді.