×

Қонаевта 12 жастағы қызды тонаған қылмыскер ұсталды

38 жастағы ер адам қыздың телефоны мен құлаққабын тартып алған

 Динара Амантай 24.05.2022 | 10:28
Фото: Halyq Uni

Алматы облысында 12 жастағы қызға шабуыл жасап, оны тонаған ер адам ұсталды. Бұл туралы Polisia.kz порталы хабарлады.

Оқиға Қонаев қаласында болған. 21 мамырда 36 жастағы жергілікті тұрғын полицияға 12 жастағы қызын тонап кеткені туралы арызбен жүгінген. Мектеп оқушысына көпқабатты тұрғын үй кіреберісінде ер адам қоқан-лоқы көрсетіп, ұялы телефон мен құлаққабын тартып алған.

Полиция қызметкерлерінің жедел іздестіру әрекеттерінің арқасында күдікті ұсталды. Қылмыскер қала маңындағы Заречный кентінің 38 жастағы тұрғыны болып шықты.

Қазір күдікті ұсталып, қамауға алынды. Қылмыстық істі тергеу ҚР Қылмыстық кодексінің 191-бабы 2-бөлігі «Тонау» бойынша жүргізіліп жатыр, – делінген хабарламада.

Серіктес жаңалықтары

Сараптама