×

Алматыда полицейге жұдырық ала жүгірген ер адам қамауға алынды

 Динара Амантай 20.12.2023 | 17:44
Фото: polisia.kz

Алматыда полицейге жұдырық ала жүгірген ер адам қамауға алынды, деп хабарлады Halyq Uni тілшісі.

Атап айтқанда, кеше сағат 03:20-да Достық даңғылы мен Снегин көшесінің қиылысында патрульдік полицияның мамандандырылған батальонының экипажы жүргізушісінің іс-әрекеті күдікті болып көрінген Toyota автокөлігін байқаған. Қолданылған шаралардың арқасында көлік тоқтатылды. Көлік ішінде жүргізуші мен 4 жолаушы болған. Олар бірден теріс қылық көрсетіп, мас күйде полиция қызметкерлерінің заңды талабына бағынбаған. Сонымен қатар ер адамдар өздерінің заңсыз әрекеттері себебінен тоқтатылған Toyota Camry көлігінің жүргізушісіне қашып кетуге көмектескен. Ол да мас халде рөлге отырған болуы мүмкін. Соның салдарынан жолдағы көліктерге нақты қауіп төндірген. Жүргізушінің жеке басы анықталды. Оны ұстау шаралары жүргізіліп жатыр.

Сондай-ақ құқық бұзушылардың бірі заңды талапқа бағынбай, полиция қызметкерінің бетінен ұрған. Оның бұл әрекеті ҚР ҚК-нің 380-бабы («Билік өкіліне қатысты қорқыту немесе күш көрсету әрекеттері») бойынша квалификацияланады. Сонымен қатар оқиғаға қатысушылардың барлығына қатысты ҚР ҚК-нің 379-бабы («Билік өкіліне бағынбау») бойынша қылмыстық іс тіркелді және ҚР ӘҚБтК-нің 667-бабы («Құқық қорғау органы немесе арнаулы мемлекеттік орган, әскери полиция органы, мемлекеттік фельдъегерлік қызмет қызметкерінің (әскери қызметшісінің), сот приставының, сот орындаушысының заңды өкіміне немесе талабына бағынбау») және ҚР ӘҚБтК-нің 440-бабы («Алкогольдік ішімдіктерді iшу немесе қоғамдық орындарға масаң күйде келу») бойынша әкімшілік материалдар жинақталды, – делінген хабарламада.

 Полиция қызметкеріне қол көтерген ер адам қамауға алынды.

Серіктес жаңалықтары

Сараптама