ШҚО-да әкімдіктің мас жүргізушісі жол апатына түсті
Салдарынан Катонқарағай ауылдық әкімдігіне материалдық залал келтірілген
фото: Halyq Uni
Шығыс Қазақстан облысында әкімдіктің мас күйде көлік жүргізген жүргізушісі жол апатын жасады.
Жүргізуші ауылдық округтегі әкімдікте жұмыс істеген. Көлікті мас халде басқарған ол электр бағанына соғылған. Оқиға 4 желтоқсанда болған.
Жол апаты салдарынан Катонқарағай ауылдық әкімдігіне материалдық залал келтірілді. Залал ерікті түрде өтелді, - деп мәлімдеді облыстық ПД баспасөз қызметі.
Сот жүргізушіні ҚР Әкімшілік кодексінің 608-бабы 3-бөлігімен 20 тәулікке қамауға алу туралы шешім шығарып, 7 жылға көлік жүргізу құқығынан айырды.
Қаулы заңды күшіне енген жоқ.
