Алматыда дәмханада ер адамды пышақтап кеткен күдікті ұсталды, деп хабарлады Halyq Uni тілшісі.

Полиция қызметкерлерінің мәліметінше, күдікті – Шығыс Қазақстан облысының 49 жастағы тумасы.

2 желтоқсанға қараған түні кезекші бөлімге қалалық ауруханалардың бірінен іш қуысында пышақ жарақатымен 27 жастағы ер адамның жеткізілгені туралы хабарлама түсті. Жәбірленушіден сұрақ-жауап алғаннан кейін дәмханалардың бірінде көрші үстелде отырған ер адамдардың жанжалдасып қалғаны белгілі болды. Соққыдан кейін күдікті оқиға орнынан қашып кеткен.

Алайда жедел-іздестіру шаралары барысында ол ұсталды. Бұл – 1974 жылы туған Б. есімді азамат. Күдікті өз іс-әрекетін мойындады. ҚР ҚК-нің 106-бабы 2 бөлігі бойынша қылмыстық іс қозғалды. Қазір ер адам уақытша ұстау изоляторына қамалды. Оқиғаның басқа да мән-жайы анықталып жатыр», – деді Алатау аудандық ПБ-ға қарасты полиция бөлімінің басшысы Асхат Дәулетияров.

ҚР ҚК-нің 201-бабына сәйкес, өзге ақпарат тергеу мүддесіне орай жария етілмейді.