Мүфтият 2024 жылдың діни күндер кестесін бекітті
Жаңа айдың көрінуіне байланысты кесте өзгеруі мүмкін
![](https://halyq-uni.kz/cache/imagine/1200/uploads/news/2023/12/04/656d61e434dcc953855379.jpeg)
Қазақстан мұсылмандары діни басқармасы 2024 жылғы діни күндер кестесін бекітті.
Шариғат және пәтуа бөлімі бекіткен күнтізбеге сәйкес, Рамазан айы 11 наурызда басталады. Қадір түні 5 сәуірден 6 сәуірге қараған түнге түсіп тұр. Ораза айт – 10 сәуір.
Ал Құрбан айттың бірінші күні 17 маусымға келеді.
Мүфтият діни мерекелердің нақты күндері жаңа айдың көрінуіне байланысты көрсетілген уақыттан бір күн шегерілуі немесе алға жылжуы мүмкін екенін ескертті.