Алматы облысында 43 бас жылқыны қолды қылған күдіктілер анықталды, деп хабарлады Halyq Uni тілшісі.

Полиция қызметкерлерінің мәліметінше, 27 қарашада «Мал ұрлығы» жедел алдын алу іс-шарасын өткізу кезінде Алматы облысының ПД КПБ қызметкерлері аудандық полиция бөлімшесімен бірлесіп, бұрын жасалған қылмысты ашты.

Жедел-іздестіру іс-шарасы барысында тәртіп сақшылары осыған дейін қамауға алынған күдіктілердің Кербұлақ ауылының маңындағы жайылымнан 43 бас жылқыны ұрлап кеткенін анықтады. Зардап шеккендерге келтірілген залал – шамамен 22 млн теңге. Қазір аталған дерек бойынша ҚР ҚК-нің 188-1-бабының 4-бөлігі бойынша сотқа дейінгі тергеу басталды. Барлық қажетті сараптамалық тексерулер тағайындалды, – деді Алматы облысының ПД бастығы Бауыржан Әленов.

ҚР ҚІЖК-нің 201-бабы шеңберінде өзге ақпарат жария етуге жатпайды.